Kadib Kulan ay ku qaateen Madaxweenayaasha Kenya iyo Soomaaliya Magaalada Nairobi ee Caasimadda waddanka Kenya islamarkaana ay ka wada hadleen xaaladaha ka taagan dalka Kenya ayna ka soo bexeen in aan la dhibaateyn dadka Soomaalida ah ee Ganacsiga ku leh Magaalada Nairobi iyo kuwa kale ee sida qaxooti ahaantaa ujoogo dalkaasi ayaa hadaba Go’aanadii ka soo baxay kulankaasi waxaa soo dhaweeyay qaar ka mida bulshada ku nool Magaalada Muqdisho.

Qaar Ka mida dadkaasi oo la hadlay Idaacaddaha Magaalada Muqdisho ayaa waxa ay  soo dhaweeyeen Go’aanadii ay isla meel dhigeen Madaxweenayaasha Soomaaliya iyo Kenya oo ay ugu Muhiimsaneed in aan la dhibaateyn dadka Soomaalida ah ee amni ahaanta utaagay waddanka Kenya

Si kastaba Hadalkani ayaa Ku soo aadaya ka dib booqashadii Madaxweynaha uu ku tagay dalka Kenya halkaasi oo dhiggiisa uu kala hadlay xaaladda Guud ee dadka Soomaalida ee degan waddankaasi isago la meel dhigay in aan wax dhibaataa loo geysan Soomaalida faraha badan ee ku nool dalkaasi.

Gelinsoortimes, Muqdisho